Wednesday, August 13, 2014

GOYKAR AMI - Fr. Teo Fernandes OCD


KONKANI KOVITA:

 

 GÕYKAR AMI


Gõykar ami bhav-bhav

Zaum to Hindu, Musolman, Kristanv

Amchea modem kosloch na bhed-bhav

Sodamkall osoch urom amcho shobav

 

Atvoch shobav to Gõykarancho

Protek Gõykar ugttea monacho

Khoichea vellar konnakui pavpacho

Gõykar  sovostkaiyen jiyeapacho

 

Gõykaranchi ruchik pez kalche kodden

Mharog-sovay nustem asunk zai xita bhoxen

Jevnna borobor zai madd-kazuchi feni

Gõykaranchi hi zaun asa sukhi jinni.

 

Atam Gõyant uprasleat nad

Gõychi xanti korunk sodtat pad

Dev oslea monxancher kheaxt dhad

Gõychea Saiba amchem Gõy rak.























Fr. Teo Fernandes OCD

Empoli,  Italy / Goa, India

 

 

 

 

<Right click -> Save as> to download star_tip_hat_md_wht.gif!

    Lapitt


Wednesday, May 21, 2014

Konkani Kovita: Eleisanv Ek Pesanv


Eleisanv ek Pesanv


Ailem re ailem

Eleisanv lagim ailem

Kirmidor, chor, nagovnne

Motorant bosun khoti ghevn bhair sorle.

Aile re Aile

Motache bikhari

Amchea darant pavle

Bikh magunk poratunk lagle.

Sanglem re sanglem

Bole tannim sangle

Tancheo kanneo aikun

Ami motdar soglech pixe zale.

Dilem re dilem

Mot ami tankam dilem

Charuch disamni

Portean chorunk lagle.

Kan uktte dovorun aik atam

Loz ok’khol naslole

Mot magunk aile zalear

Martam faran atam.



Fr. Teo Fernandes OCD 

 
 

<Right click -> Save as> to download star_tip_hat_md_wht.gif!

    Lapitt

Konkani Kovita: BEBO


BEBO

Yes, Those Are Tadpoles in There


Tip, tip, tip, tip  pavs poddlo

Xetache merer bebo ubo

Draum, draum, korun gitam gaitalo

Bhorpur pavs dhadd Devakodde magtalo.

 

Bebea, bebea xetachi mati mov dovor

Oso xetkamteank tuzo adhar kor

Xetan amchea borpur pavs poddunk

Magnnem tujem chalu dovor.

 

Bebea, bebea pavsaleant zatat kimsam

Malaria piddent mortat mon’xam

Piddentlim amkam vattai khavun tankam

Amchi bholaiki bori dovor tuje lagim magttam

 

Fr. Teo Fernandes

(Empoli Italy)

May 21, 2014



Friday, April 4, 2014

KONKANI KOVITA : Goyancho put CHURCHILL ALEMAO


 

CHURCHIL



Gõyancho put Churchill

Besttoch korta kizil

Gelea Vidhan Sobhe eleisavank

Lokani ghora bosoilo

Jevunk pez ani imbil

 

Alemao tagelem add navn

Sarkoch to koleancho maum

Ram Deva amkam tum pav

Monant amchea uprasla dubhav

Churchill tum matxe rav

 

Panch pavtti bhitor-bhair

Mellta tachea khandar ghalta hat

Somzota Gõy  aplea  purvozanchem fat

Sangunk zaina keddna porott

Gõykarank kortolo mhonn visvasghat

 

Pokxachi tikett diunk  nam mhonn

Panchve pavtti hatak korta fatt

Atam udki marlea Trinamool Kongresant

Vechik putachi* kanni hi

Tuka mat atam Indira Kongresachem bond zalem dar.

 

Fr. Teo Fernandes OCD

*vechik put (prodigal son)

 

Tuesday, March 4, 2014

KONKANI KOVITA: Eleisanv ek Pesanv


 

 Eleisanv ek Pesanv



Ailem re ailem

Eleisanv lagim ailem

Kirmidor, chor, nagovnne

Motorant bosun khoti ghevn bhair sorle.

Aile re Aile

Motache bikhari

Amchea darant pavle

Bikh magunk poratunk lagle.

Sanglem re sanglem

Bole tannim sangle

Tancheo kanneo aikun

Ami motdar soglech pixe zale.

Dilem re dilem

Mot ami tankam dilem

Charuch disamni

Portean chorunk lagle.

Kan uktte dovorun aik atam

Loz ok’khol naslole

Mot magunk aile zalear

Martam faran atam.



Fr. Teo Fernandes OCD 
 




 

 

<Right click -> Save as> to download star_tip_hat_md_wht.gif!

    Lapitt                  Dor Sumanank Aitaracheo Katkutleo Vach, focot Gulf-Goans e-Newsletter (1994 vorsa thaun survat  keloli, internet-ar vachtoleank sondhi diloli. Focot Romi Konkani-nt).

Tuesday, February 18, 2014

PIKEM PAN


 

 

 

PIKEM PAN 

 

Pikil'lem pan sokoll poddlem

Hirvem pan

Murgottun pirgun

Kuch korun hanslem.

 

Pikem panan vincharlem:

Kiteak mhunn tum hanslem?

Hirvea panan mhonlem:

Zanntem  sokllak poddlolem polleun

Mhaka ekdom hansunk ailem.

 

Teddna pikem panan sanglem:

Aicho dis mhozo

Faleancho dis tuzo

Ghott ghantt marun

Monan ugddas dovorcho

 

Aiz hanv mhatarem zalem

Tuzoi xevott osoch zatolo

Aiz hanv zhoddlam

Faleam tunvui zhoddtolem

Teddna dusrim tuka hanstelim

Teddna dusrim tuka hanstelim.

 

Fr. Teo Fernandes,  OCD